gae - Matthew:1

gae@Matthew:1:1 @ Lioar sheeloghe Yeesey Creest, mac Ghavid, mac Abraham

gae@Matthew:1:2 @ Hooar Abraham Isaac, as hooar Isaac Jacob, as hooar Jacob Judas as e vraaraghyn.

gae@Matthew:1:3 @ As hooar Judas Phares as Zarah rish Thamar, as hooar Phales Esrom, as hooar Esrom Aram.

gae@Matthew:1:4 @ As hooar Aram Aminadab, as hooar Aminadab Naason, as hooar Naason Salmon

gae@Matthew:1:5 @ As hooar Salmon Booz rish Rachab, as hooar Booz Obed rish Ruth, as hooar Obed Jesse.

gae@Matthew:1:6 @ As hooar Jesse David yn ree, as hooar David yn ree Solomon reeish v'er ny ve ben Urias.

gae@Matthew:1:7 @ As hooar Solomon Roboam, as hooar Roboam Abia, as hooar Abia Asa:

gae@Matthew:1:8 @ As hooar Asa Josaphat, as hooar Josaphat Joram, as hooar Joram Ozias.

gae@Matthew:1:9 @ As hooar Ozias Joatham, as hooar Joatham Achaz, as hooar Achaz Ezekias.

gae@Matthew:1:10 @ As hooar Ezekias Manasses, as hooar Manasses Amon, as hooar Amon Josias.

gae@Matthew:1:11 @ As hooar Josias Jechonias as e vraaraghyn, mysh traa yn chappeeys Babylonagh.

gae@Matthew:1:12 @ As rish earish yn chappeeys Babylon agh hooar Jechonias Salathiel, as hooar Salathiel Zorobabel.

gae@Matthew:1:13 @ As hooar Zorobabel Abiud, as hooar Abiud Eliakim, as hooar Eliakim Azor.

gae@Matthew:1:14 @ As hooar Azor Sadoc, as hooar Sadoc Achim, as hooar Achim Eliud.

gae@Matthew:1:15 @ As hooar Eliud Eliazar, as hooar Eliazar Matthan, as hooar Matthan Jacob.

gae@Matthew:1:16 @ As hooar Jacob Joseph sheshey Voirrey, j'eeish ruggyr Yeesey, ta enmyssit Creest.

gae@Matthew:1:17 @ Myr shen ta ooilley ny sheelogheyn veih Abraham gys David, kiare sheelogheyn jeig: as veih David derrey'n chappeeys ayns Babylon, kiare sheelogheyn jeig: as veih'n chappeeys ayns Babylon derrey Creest kiare sheelogheyn jeig.

gae@Matthew:1:18 @ Nish shoh myr haink (Yeesey) Creest er y theihll: Erreish da e voir Moirrey ve nasht rish Joseph, roish my daink ad dy vaghey cooidjagh, v'ee ry-akin dy ve corrym liorish yn Spyrryd Noo.

gae@Matthew:1:19 @ As myr va Joseph e sheshey ny ghooinney cairal, as neu-wooiagh dy choyrt ee gys nearey foshlit, v'eh smooinaghtyn dy scarrey

gae@Matthew:1:20 @ Agh choud as va ny reddyn shoh er e aigney, cur-my-ner haink ainle y Chiarn huggey ayns ashlish, gra, Yoseph, vac Ghavid, ny bee aggle ort dy ghoaill hood Moirrey dty ven: son shen t'er ny ghientyn aynjee, te jeh'n Spyrryd Noo.

gae@Matthew:1:21 @ As ver ee mac son y theihll, as nee oo genmys eh Yeesey, son sauee eh e phobble veih nyn beccaghyn.

gae@Matthew:1:22 @ (Shoh myr va er ny chooilleeney ooilley ny loayr y Chiarn liorish y phadeyr, gra

gae@Matthew:1:23 @ Cur-my-ner nee moidyn gientyn, as ver ee mac son y theihll, as nee ad genmys eh Emmanuel, ta shen dy ghra, Jee marin.)

gae@Matthew:1:24 @ Tra va Joseph eisht er n'irree veih cadley, ren eh myr va ainle y Chiarn er chur roish, as ghow eh thie e ven:

gae@Matthew:1:25 @ As cha row veg echey dy yannoo r'ee, derrey hug ee e ynrycan mac son y theihll, as denmys eh yn ennym echey Yeesey.